काठमाडौं । भुटानमा जारी साफ यू–१७ महिला च्याम्पियनसिपमा आज (भदौ ८) नेपालले बंगलादेशको सामना गर्दै छ । नेपाल दोस्रो जितको खोजीमा छ । खेल भुटानको चिङलिमिथाङ रंगशालामा नेपाली समयानुसार साँझ ६ बजे सुरु हुनेछ ।
नेपालले यसअघि भुटानलाई २–१ ले हराएको थियो । नेपालले भारतसँग ७–० को फराकिलो हार व्यहोरेको थियो ।
बंगलादेश पनि दोस्रो जितको खोजीमा छ । बंगलादेश यसअघि भारतसँग २–० ले पराजित भएको थियो । बंगलादेशले भुटानलाई ३–१ ले हराएको थियो ।
प्रतियोगिता यही अगस्ट ३१ सम्म सञ्चालन हुनेछ । प्रतियोगितामा नेपाल, बंगलादेश, भारत र घरेलु टोली भुटान छन् । प्रतियोगिताका सबै खेल ‘डबल राउन्ड’ पद्धतिअनुसार खेलाइँदै छ । शीर्ष टोलीले उपाधि उचाल्नेछ ।
