पेङदोर्जे म्हे म्हेसे स्हेङथान्बा
ताम्बासे ह्राप्पा चु डाम्बा
अगोना दोङारपला ताम थलाऊ
फेक थिला दाबो एला ग्राम्बा ।

न्हाम्सिङ ग्याल्बो ङ्यास्युर ग्ले
दरबार मुबा ढाप जोङ गाङ
ह्रेन्जेन दोर्जे दोङछेन्पो ग्ले
दरबार मुबा तेमाल गाङ
कल्बा दङबोरि बोई उईरि
म्हारमेनछनला ठि ठुङ्बा
ह्रुईछन च्योप्के स्हेङसिनम्
ह्याङ तामाङला ह्रुई ठुङ्बा

ह्रुईछन च्योप्के ढोबा लाउ
ह्राङला बाब्सा खेबा लाउ
भाई ह्युल ने सोम ज्याल्बा लाउ
बोई ह्युल चुक सोम ज्याल्वा लाउ
पेनोर ग्याम्जो खला बिसि
दोङराप न्हाङरि म्हाईबा लाउ
वाईबा तिलसि ताजि बिसि
ह्रुईछन च्योप्के खेबा लाउ
तिलाई थाहा अरेबा म्हिसे
सेबा स्होसि ताम अलाउ

ह्रेनजेन दोर्जेला ङ छाया
एदा तिला तोजि लोप्परि खाउ
दोङराप तिलै असेसम्
ङै पिन्ना दोङराप पोप्परि खाउ
ङला आखे ग्ले मुबा दुईरि
एला आखे ग्याबा ताबासे
सोईनमला मकै पुईतोबसे
पाङजिम एसे बोमोसे

पेङदोर्जेसे डाम्बा स्हेङसि
ह्रुईसङ मामत ताङना लसि
सगुन दुज्जे स्हेङसिनम्
स्हेङसिम थान्बा तामाङ ग्युई
ग्युईठिम ठुङबा बेलारि
डाम्बासेन थान्बा एला ह्रुई
तामाङ दोङरप सेम अतासम्
वाईबा ह्रुई अताङसम्
ङै लोप्ला एदाई तिलाई ग्युई
ओलि थान्को एला ह्रुई

दरेम :
दोङरप खेगो मि फोसि
ह्रिक्पा अरेबा लि थोसि
तामाङ नम्सरि अदोगाउ
दमछिग गोसि चे ताम दोगाउ

बरिष्ठ सेलो गायक एवं संगीतकार विश्व दोङ को फेसबुकबाट